Friday 31 December 2010

A guid New Year

In years gone by this Scots song was often sung by Andy Stewart and others on BBC's Hogmanay television programme from Scotland.

A guid New Year tae yin an aa!
An monie may ye see,
An during aa the years tae come,
O happy may ye be.
An may ye ne'er hae cause tae greet,
Tae sigh or shed a tear,
Tae yin an aa, baith great an smaa,
A hertie guid New Year!

A guid New Year tae yin an aa!
An monie may ye see,
An during aa the years tae come,
O happy may ye be.

O time flies fast, he winna wait,
My freen, for you or me.
He works his wonders day by day,
And onward still doth flee.
O wha can tell when ilka yin
I see sae happy here,
Will meet again, an merry be,
Anither guid New Year?

We twa hae baith been happy lang,
We ran aboot the braes.
In yon wee cot aneath the trees
We spent oor early days.
We ran aboot the burnie side,
The spot will aye be dear,
An those that used tae meet us there,
We'll think on monie a year!

Now let us hope our years may be
As guid as they hae been;
An trust we ne'er again may see
The sorrows we hae seen.
An let us wish that, yin an aa,
Oor freens baith far an near,
May aye enjoy in times tae come,
A hertie guid New Year!

No comments:

Post a Comment